VÅGÅ
Vågå kommune er lokalisert midt i Nasjonalparkriket - Omkransa av dei 5 nasjonalparkane Jotunheimen, Dovrefjell, Ronadane, Breheimen og Reinheimen. Fjellbygda Vågå ligg ved Vågåvatnet, som blir farget eirgrønt av brevatn fra fjella om sumaren. I Vågåmo (Vågå sentrum) finn du trivelege lokale butikkar og den ikoniske Vågåkyrkja, ei klassisk norsk trekyrkje, med delar datert heilt attende til 1100-tallet. I den omkringliggande fjellheimen finn du friluftsopplevingane og fjellstovene.
Vågå er ei kulturrik fjellbygd, der diktarar, musikarar, kunstnarar og eventyrsamlarar har latt seg inspirere av det storslåtte natur- og kulturlandskapet i generasjonar. Like ovanfor Vågåkyrkja ligg Jutulporten som er inspirasjon for segnet om Jutuln og Blessomen. Midt mellom kyrkja og Jutulporten finn ein Ullinsvin, den gamle prestegarden som nå husar eit moderne kunstgalleri og Prestegardshagen.
I området i og rundt Vågåmo sentrum finn ein aktivitetar som passar for alle. Godt merka turstigar av forskjellig lengde og vanskegrad, og til og med ei eiga “Munch i Vågå-vandring”, der du kan lære meir om Munch si tilknyting til bygda. Vågåmo er også eit flott utgangspunkt for el-sykklistar og downhill- og stisykkelentusiastar. Vågåvatnet ligg ein liten spasertur frå sentrum og kan by på nydelege opplevingar med til dømes kajak, SUP-brett eller båt. Den flytande badstua er også ei oppleving i seg sjølv. Ein 20 minutts køyretur tek deg til dei omkringliggande fjella der opplevingane står i kø, sommar som vinter: Rafting og juving i Sjoa, toppturar, skikøyring på Lemonsjøen alpinsenter, milevis med skiløyper, sykling, hundekøyring, fisking og klatring, for å nemne noko.
